Tiff X BREEZY
Sarah X Tiffany Lui
"瑜伽會令人放開一啲自己控制唔到嘢,而專注喺控制範圍以內嘅事 "
對於完全無做過瑜伽嘅朋友嚟講,你會點樣形容呢個活動呢?
好實在、好貼地同埋充滿活力 :)
你覺得瑜伽屬於心靈定係體能嘅鍛鍊?
開始做瑜伽嘅時候,我本來嘅目標係想練番個體能,不過做咗幾堂之後,我發現無論係挑戰體力,定係舒緩身心嘅練習,都俾到我一種放鬆同埋平靜嘅感覺,令我好感恩。所以雖然開頭嗰時,我主力做瑜伽肢體練習,但其實佢喺放鬆精神同減壓方面都俾到我好大幫助。
你最鍾意邊個瑜伽動作?
我會揀手肘倒立(梵文係Pinchamayurasana)。呢個動作富有挑戰性。佢除咗要用到上身同核心肌群嘅力量,仲會考驗膊頭嘅靈活性同成個人嘅專注力。我用咗差唔多一年嘅時間先做到呢個動作呀。我最鍾意呢個動作有好多變化,成個鍛鍊過程都好好玩。做呢個動作嗰時,會感覺到全身嘅血液都循環得好快,但個内心就好平靜。做完之後,仲會成個人都精力充沛,好有成功感添!
for your wellbeing...
瑜伽點樣改變咗你呢?
瑜伽真係幫咗我好多。因為我份人對自己要求好高,成日都希望事事完美,變相為自己帶嚟好大嘅壓力同困擾。做瑜伽唔單止令我身體更加健康,體態更靚,佢仲教識我面挑戰同困難嘅時候,要以清晰嘅思維沉着應對。瑜伽會令人放開一啲自己控制唔到嘢,而專注喺控制範圍以內嘅事。練習瑜伽令我有機會每日都重新認識自己,係一個好好嘅終生學習。 f.
你覺得教瑜伽最有意義嘅地方喺邊?
我覺得教瑜伽最有意義嘅係可以同學生建立出一種關係。啲學生直情變咗我嘅朋友,有時我甚至覺得佢哋似我老師,多過我係佢哋嘅老師!睇住大家做瑜伽不斷進步,俾到我好大滿足感。呢個過程亦都鞭策我要不斷進步,對自己同對學生都要做得更好。
閱讀更多...
加入 BREEZY 大家庭
and receive 10% off